На посетителите кои одат во музеи, кина или базени во Франција веќе им е забранет влез освен ако немаат пропусница што укажува на тоа дека биле вакцинирани против ковид или неодамна имале негативен тест. пропусница е потребна и за големи фестивали и клубови.
Од почетокот на август, пропусница ќе биде потребна за влез во ресторани и барови и за подалечни патувања со воз и авион.
Мерките содржани во законот треба да траат до 15 ноември, а пред законот да стапи на сила ќе биде потребно конечно зелено светло од Уставниот суд.
Франција, како и многу други земји ширум Европа, се соочува со високо заразната делта варијанта, најпрво идентификувана во Индија, која се заканува да ја продолжи пандемијата.
На почетокот на јули, Франција бележела околу 4.000 нови случаи на зараза со коронавирус на ден, а минатата недела тој број достигнал 22.000. Расте и бројот на хоспитализирани.
Властите ги зголемуваат напорите за олеснување на масовните вакцинации. До недела, 49,3 проценти од 67-те милиони француско население примиле две дози – или една доза на вакцина – што сè уште е далеку од прагот за кој експертите велат дека во голема мера може да го запре пренесувањето на болеста или да се стекне имунитет на стадо.
