Македонската машка кадетска репрезентација убедливо ја победи селекцијата на Бугарија со 33-18 (11-8). Избраниците на Горан Кузманоски одиграа убедлив натпревар и водеа од стартот, па тоа на крајот го материјализираа со победа.
Во второто коло кадетите ќе се судрат со Грузија во 10:30 часот во салата „Македонско Сонце“.
Женската кадетска селекција славеше во својот дуел против Белгија со 33-12. Избраничките на Даниела Новевска Велјановска одиграа моќен натпревар и сигурно победија против Белгијките во скопската општина Гази Баба. Следниот натпревар девојките го играат утре во 10:30 часот.
