Според неофицијални информации, во текот на изминатите две недели најмалку пет лица биле врзани за уличната инфраструктура со леплива лента.
Бизарните инциденти се регистрирани во градот Лагос де Морено, каде што, според медиумските извештаи, неодамна имало „зголемување на кражбите на мотоцикли“.
Идентитетот на лицето кое стои зад овие „дејствија“ не е познат.
На некои фотографии се гледа дека на челото на врзаните мажи е напишан зборот рaтеро, што на шпански јазик може да значи крадец. Исто така, на нивните лица се нацртани мустаќи и други симболи, додека над нив се поставени картонски или хартиени знаци со описи на наводните дела.
Сепак, локалната полиција вели дека ги третира врзаните луѓе како жртви, а не како сторители на кривични дела, објави Дејли стар.
🚨 En Jalisco, tras la falta de ayuda por parte de las autoridades, un héroe anónimo empezó a cazar ladrones robamotos. Hasta el momento, ya lleva cinco en diez días y lo apodan el ‘Batman de Lagos de Moreno’. pic.twitter.com/C1AJYqGIcO
— LuisCardenasMX (@LuisCardenasMx) June 24, 2026
Во исто време, беше покрената истрага за да се идентификува лицето кое стои зад овие самоиницијативни „дејствија“.
Властите велат дека се регистрирани најмалку пет случаи, додека секретарот за државна безбедност Хуан Пабло Ернандез потврдува дека сè уште нема апсења, но дека се идентификувани две возила кои би можеле да бидат поврзани со „одмаздникот“.
Првиот пријавен случај бил на 13 јуни, кога неименуван маж бил пронајден врзан за столб. Слични случаи биле пријавени и во деновите што следеле.
Сите мажи кои биле врзани подоцна биле ослободени и им била укажана медицинска помош, соопштија властите.
