Пештерата, која се наоѓа на периферијата на градот Фуреидис, првично била планирана за уништување за време на градежни работи, но по истражувањето било утврдено дека е исклучително важно археолошко наоѓалиште, пренесува Си-ен-ен.
Истражувачите претходно мислеа дека локацијата е стара околу 200.000 години, но новите откритија, вклучувајќи камени алатки како што се секири, стругалки и сечила, покажаа дека потекнува од пред околу 400.000 години.
Научниците велат дека алатките се поврзани со културата на преднеандерталските хоминини кои го населувале регионот Левант.
Покрај алатките, пронајдени се и остатоци од животни како што се елени лопатари и газели, што укажува на лов и организиран групен живот, како и на можна употреба на оган. Истражувачите велат дека наодите укажуваат на „сложено и богато“ општество и интензивна употреба на пештерите како заеднички простори за живеење во раниот палеолит.
Според истражувачите, локалитетот е од глобално значење, бидејќи припаѓа на периодот пред неандерталците и современите луѓе да станат доминантни во Евроазија.
