Дуелот заврши со пораз на Ѓорческа од 3-6 и 2-6 по сетови. Иако загуби, македонската тенисерка имаше одлични блесоци на теренот со кои јасно потврди дека целосно заслужува да биде дел од елитата во Лондон.
Сепак, искуството и квалитетот на Анисимова, која е шеста рекетка во светот, дојдоа до израз и таа ја оправда фаворитската улога во овој натпревар.
И покрај елиминацијата, овој настап на Лина Ѓорческа останува длабоко врежан во аналите на македонскиот спорт, бидејќи таа стана првиот наш претставник кој заиграл на еден грен-слем турнир во поединечна конкуренција.
