Според Судот, по издавањето на упатниот акт за издржување на затворската казна, Јакимовски на 12 јуни поднел барање за одлагање на извршувањето на казната поради здравствени причини.
Судијата за извршување санкции веднаш започнал со проверка на доставената медицинска документација и побарал дополнителни информации од двете приватни здравствени установи кои му ја издале документацијата на Јакимовски. Барањата за проверка биле испратени на 15 јуни, а ургенција е испратена и на 26 јуни 2026 година.
„Одговорите сè уште не се пристигнати, поради што не е донесена конечна одлука“, информираа од Судот.
Од Судот потсетуваат дека согласно член 144 од Законот за извршување санкции, судијата има рок од 30 дена од приемот на барањето да ги провери сите наведени околности и да донесе одлука. До тогаш, почетокот на извршувањето на затворската казна се одлага.
