Мицкоски соопшти дека од почетокот на 2026 година се поднесени околу 672 барања за повторно стекнување на македонско државјанство, додека околу 318 лица побарале отпис од државјанството.
„Ова е прва година по не знам колку време да се случи вакво нешто. Дали е случајност, дали е некаков знак и дали тоа нешто значи, не би можел да кажам, но верувам во македонскиот народ, во македонските граѓани и во нивниот потенцијал“, рече Мицкоски во интервју за Телма.
Тој оцени дека економските показатели на Македонија во последните две години се подобри од оние на некои земји-членки на Европската Унија и истакна дека државата располага со квалитетен човечки потенцијал.
Мицкоски нагласи дека како универзитетски професор имал можност да се увери во способностите на младите луѓе и додаде дека Македонија може да постигне многу повеќе, и покрај, како што рече, постоењето на сили кои не сакаат државата да успее и шират дефетизам.
