Тој за Новости оцени дека безбедносната ситуација во Србија и регионот е стабилна, а дека најголемите закани по безбедноста на државата се последиците од „едностраното прогласување на независноста на таканаречено Косово“.
„Извесна закана по безбедноста претставува и нелегалниот прилив на мигранти со кој се соочува целиот регион. Загрижува фактот што на блискоисточното боиште и понатаму се ангажирани голем број лица од овие простори, како и дека бројот на оние кои се враќаат од боиштата е во пораст по поразот на Исламска држава“, наведе српскиот генерал.
Истакнувајќи дека воениот буџет за следната година изнесува 136 милијарди динари (околу 1.157.000.000 евра), од кои речиси половина ќе бидат потрошени на набавка на ново вооружување и воена опрема, Мојсиловиќ кажа дека во текот на 2022 се очекува испорака на „современ противвоздушен систем од среден дострел, противоклопни системи, беспилотни летала, телекомуникациска опрема“.
