Зеленски објави детали на социјалната мрежа Икс по состанокот со шефовите на Генералштабот, разузнавачките служби и безбедносната служба на Украина. Сателитските снимки, за кои се тврди дека доаѓаат од руски воени извори и се датирани на 6 мај, се прикачени на објавата. На видеата има координати и информации за неколку локации во центарот на Киев, вклучувајќи го кабинетот на претседателот, претседателската резиденција и подземни заштитени објекти.
Во своето соопштение, Зеленски велие дека разузнавачката служба добила документи кои откриваат руски подготовки за напади врз она што Москва го нарекува „центри за донесување одлуки“.
Today, I held a meeting with the heads of the General Staff of the Armed Forces of Ukraine, the Defense Intelligence, the Foreign Intelligence Service, and the Security Service of Ukraine. Three key areas were discussed.
First, we are defining targets for our next long-range… pic.twitter.com/KDMFICtQ7o
— Volodymyr Zelenskyy / Володимир Зеленський (@ZelenskyyUa) May 15, 2026
„Нашата одбранбена разузнавачка служба добила документи што покажуваат дека Русите подготвуваат нови ракетни и беспилотни напади врз Украина, вклучувајќи напади врз она што го нарекуваат „центри за донесување одлуки“. Меѓу нив се речиси дваесетина политички центри и воени командни места“, кажа Зеленски.
„Секако, ги зедовме предвид тие информации. Но, вреди да му се каже на руското раководство дека Украина, сепак, не е Русија. За разлика од државата агресор, каде што постои јасен автор на оваа војна и долгогодишен круг околу него што го држи одвоен од реалноста, изворот на украинската одбрана е подготвеноста на народот да се бори за својата независност и за својата суверена држава“, додаде тој.
Тој нагласи дека украинскиот народ не може да биде поразен. „Русија мора да ја заврши војната и да преговара за достоинствен мир, наместо да бара нови начини за заплашување на Украина. Им благодарам на сите што помагаат“, заклучи Зеленски.
На 13 мај воената разузнавачка служба тврдеше дека Русија почнала нов бран комбинирани воздушни напади врз Украина што би можеле да потраат.
Во текот на 13 и 14 мај, Русија изврши масовен комбиниран удар во кој, според тврдењата на Зеленски, руските сили лансирале 1.567 беспилотни летала и 56 ракети од различни видови. Тој истакна дека процентот на пресретнувања е доста висок, но ја нагласи потребата од понатамошно зајакнување на противвоздушната одбрана.
