Новите царини планирани од Соединетите Американски Држави ќе изнесуваат меѓу 10 и 70 отсто, во зависност од земјата на потекло и видот на производот, изјави американскиот претседател Доналд Трамп во обраќањето пред новинарите, пренесува Блумберг.
Трамп рече дека ќе ги донесе конечните одлуки за царините најдоцна до 9 јули. Ова е дел од претходно објавениот трговски план од април, кој беше привремено одложен за 90 дена за да се овозможат дополнителни преговори со трговските партнери. Тој рок сега истекува, Трамп посочи дека нема да има дополнително продолжување.
Во меѓувреме, САД постигнаа три трговски договори: еден со Виетнам, кој беше официјализиран во среда, и два рамковни договори со Кина и Велика Британија.
Во исто време, преговорите за царинските режими сè уште се во тек со клучните партнери, вклучувајќи ја Европската Унија, Јапонија, Индија и Јужна Кореја.
