„Ова е значајна обврска како одговор на значајните закани за нашата безбедност“, рече тој.
„Сето ова го правиме за да се осигуриме дека можеме ефикасно да ја одвратиме агресијата и да се одбраниме себеси и едни со други доколку некој се осмели да нè нападне.“
„Сите сојузници се обединети во разбирањето дека мора да ги зголемиме нашите напори за да останеме безбедни, и тие го прават тоа сега. Претседателот (на Соединетите Американски Држави Доналд) Трамп беше јасен, Америка е посветена на НАТО. Тој денес повторно недвосмислено го потврди ова.
Во исто време, тој јасно стави до знаење дека Америка очекува поголемо вклучување на европските сојузници, и тоа го гледаме сега“, тврди Руте.
Тој кажа дека сојузниците се „заедно во ова, посветени на Членот 5, и ние сме решени да останеме цврсти“.
„Алијансата цврсто стои зад нашиот сосед и партнер Украина“, додаде тој, истакувајќи дека силната порака на алијансата до украинскиот претседател Володимир Зеленски и украинскиот народ е „дека Украина ја има нашата постојана поддршка“.
„Нашата цел е да ѝ помогнеме на Украина да се бори денес за да може да има траен мир во иднина“, додаде тој.
