Министерството му соопштило на амбасадорот дека ја смета за неприфатлива сè поголемата поддршка на Германија за Киев.
Како примери ги навело договорите за воена соработка, директните испораки на оружје и заедничките проекти за развој на беспилотни летала, ракети и друго оружје за кое Москва тврди дека се користи во напади врз цивилната инфраструктура во Русија.
Украина и Русија во последните недели ги засилија нападите врз инфраструктурата на другата страна. И двете земји негираат дека целат цивили. Западните држави, вклучително и Германија, ѝ обезбедуваат воена и финансиска помош на Украина.
Руското Министерство за надворешни работи го критикувало и ставот на Германија кон односите на трети земји со Русија, вклучително и руско-кинеските односи.
Во почетокот на месецов Германија одржа итни разговори со кинескиот амбасадор во Берлин поради извештаите дека Кина обучува руски војници.
