Португалија на тој начин им се придружува на Велика Британија, Канада и Австралија, кои денеска и официјално ја признаа независноста на Палестина.
„Признавањето на државата Палестина е исполнување на фундаментална, конзистентна и широко прифатена политика“, изјави Рангел пред новинарите во Њујорк, пред годишната сесија на Генералното собрание на Обединетите нации (ОН), која започнува утре.
Рангел додаде дека „Португалија се залага за решение со две држави како единствен пат кон праведен и траен мир, мир кој промовира соживот и мирни односи меѓу Израел и Палестина“.Независноста на палестинската држава е поддржана од повеќе од 150 земји низ целиот свет.
