Како што е најавено, според договорот неименуваната европска земја ќе биде снабдена со широк спектар напредни системи за модернизација на армијата, наменети за подобрување на оперативната маневарска способност и преживувањето на силите на бојното поле, пренесува Тајмс оф Израел https://www.timesofisrael.com/liveblog_entry/elbit-says-it-secured-1-4-billion-deal-to-supply-european-nation-with-military-modernization-systems/.
Како дел од петгодишниот одбранбен договор, европската земја ќе биде опремена со автономни беспилотни возила на Елбит и копнени решенија за електронско војување, прецизно наведувана муниција за артилерија и напади воздух-земја, електрооптички системи за означување цели и извидувачки системи.
Како што е наведено, сите тие ќе бидат поврзани преку софтверски дефинирано радио.
Елбит соопшти дека овие системи „ќе ја подобрат оперативната ефикасност на земјата на патот кон тоа да стане напредна и модерна армија“.
„Нашето докажано искуство во работа со многубројни вооружени сили низ светот, заедно со нашите силни сопствени развојни капацитети и врвна технолошка експертиза, продолжува да ја поттикнува растечката побарувачка за нашите решенија и нè позиционира како доверлив партнер за долгорочни програми за модернизација на армијата“, изјави извршниот директор на Елбит, Безалел Махлис.
