Според информациите од СВР Скопје, случајот бил пријавен на 25 мај околу 13:30 часот. При вршење ископ со багер, ангажиран од фирма-инвеститор, дошло до свлечиште на земјата, при што багерот бил затрупан. Лицето кое управувало со работната машина успеало навреме да излезе и не е повредено.
Од свлечиштето биле оштетени делови од тротоарот на улицата „Митрополит Теодосиј Гологанов“ и улицата „Христо Смирненски“, а падната бандера оштетила и патничко возило дачија сандеро, сопственост на Е.М.
За случајот биле известени јавен обвинител, Центарот за управување со кризи, ЕВН, Општина Центар и Државниот инспекторат за труд.
Полициски службеници извршиле службен разговор со претставници на правното лице-инвеститор, како и со багеристот А.М., а се преземаат дополнителни мерки за целосно расчистување на случајот.
