Според информациите од полицијата, несреќата била пријавена вчера во 21:23 часот, а во неа учествувале товарно возило пежо со винички регистарски ознаки, управувано од 48-годишниот А.С. од Виница и мопед без регистарски ознаки, кој го управувал А.Ѓ.(42) од Кочани.
Од здобиените повреди, возачот на мопедот починал додека бил пренесуван кон болницата во Кочани, каде што лекар констатирал смрт.
На местото на несреќата увид извршиле јавен обвинител и увидна екипа од ОВР Кочани, а причините за несреќата се утврдуваат.
