Инцидентот се случил на 24 мај вечерта на подрачјето на Центар, кога, според пријавата, по претходна расправија околу сообраќајот, осомничените со патничко возило ауди удриле во мотоциклот на 20-годишниот Ф.М. од Скопје, кој во моментот извршувал работни задачи како доставувач, а потоа и физички го нападнале.
„По преземени оперативни мерки, полициски службеници од СВР Скопје на 25 мај утрото ги привеле О.А., А.Ф.Е., Т.А.Б. и А.И.О., сите државјани на Турција“, соопшти МВР.
Од Единицата за насилен криминал при СВР Скопје, во координација со Основното јавно обвинителство Скопје, против осомничените е поднесена кривична пријава, а судија на претходна постапка им изрекол мерка притвор.
