Најдобар начин да утврдите дали доматот содржи пестициди е да го пресечете и да го погледнете внатрешниот дел. Доматите третирани со хемикалии често имаат жолтеникави линии и жолт дел во средината на плодот, пренесува Крстарица.
Исто така, обрнете внимание на изгледот на плодот. Ако сите домати се со иста големина, совршено мазни и речиси идентични – многу е веројатно дека не станале такви на природен начин. Избегнувајте и претходно спакувано овошје и зеленчук бидејќи тоа најчесто потекнува од интензивна продукција во која се користат поголеми количини пестициди и други хемикалии.
Од друга страна, ако доматот изгледа малку несовршен – има бразди, неправилности, кафени дамки или необичен облик – постои голема веројатност дека станува збор за природно одгледан плод што не е прскан.
