„Наредникот Руте очигледно изел премногу од магичните печурки што Холанѓаните толку многу ги сакаат. Тој гледа заговор меѓу Кина и Русија околу Тајван, потоа и руски напад врз Европа“, забележа Медведев, коментирајќи ги изјавите на Руте за можен руски напад врз земјите од ЕУ во договор со Кина.
Медведев, исто така, рече дека Руте бил во право за едно нешто – дека треба да научи руски јазик, бидејќи „можеби ќе му треба во сибирски логор“.
Претходно во интервју за Њујорк Тајмс, Руте изјави дека, според него, Русија може да го нападне НАТО во договор со Кина за да го одвлече вниманието на САД доколку кинескиот претседател Си Џинпинг одлучи да го „нападне Тајван“.
Тој, исто така, нагласи дека договорот за зголемување на трошоците за одбрана на 5 отсто од БДП до 2035 година е неопходен за да се обезбеди безбедност на земјите на НАТО, вклучително и заштита од Русија – во спротивно, рече тој, членките на Алијансата „ќе мора да учат руски“.
