За време на говорот на централниот собир, Касем го опиша Израел како „агресивен, репресивен и криминален“ ентитет, а САД како „тиранска сила“ која се обидува да го уништи достоинствениот живот низ целиот свет.
„Имаме целосно право да кажеме не. Нашата посветеност кон земјата произлегува од фактот дека таа е наша по право. Другите не можат да ни го одземат ова право заради сопствените интереси. Ќе дејствуваме во одбрана на нашето право“, изјави Касем.
„Денес Израел дивее, како и Соединетите држави. Тие сакаат да го искористат моментот за да го преобликуваат регионот. Кога ќе надвладее правдата и ќе ја ослободиме нашата земја и ќе ги спречиме Израел и САД да ни го наметнат она што не го сакаме, само тогаш ќе постигнеме иднина на достоинство и величина“, објасни тој.
Конечно, лидерот на Хезболах ги повика сите Либанци да дадат приоритет на својата национална лојалност.
„Можеме да ги решиме сите наши разлики и она што ве мачи, но немојте да стоите на страната на вашите непријатели. секогаш ќе бидете во преден план со крената глава. Најважно е да продолжите да стоите зад она што е исправно“, заклучи тој.
