Претходно денеска израелското Министерство за надворешни работи објави на Икс дека „нема да дозволи какво било прекршување на законската поморска блокада на Газа“.
Бродовите на флотилата Глобал сумуд по третпат испловија во четвртокот од јужна Турција, откако претходните обиди за доставување помош до Газа беа пресретнати од Израел во меѓународни води.
На снимка во живо беше прикажано како денеска воени бродови им се приближуваат на пловилата.
BREAKING: CCTV footage from the Zio Faster appears to capture the moment of interception, as fast boats approach vessels on the Global Sumud flotilla in international waters, around 250 nautical miles from Gaza.
Activists report Israeli naval forces surrounding the boats, with… pic.twitter.com/GU9GyDeodM
— Global Sumud Flotilla Commentary (@GlobalSumudF) May 18, 2026
„Воени пловила во моментов ја пресретнуваат нашата флота и израелски сили среде бел ден се качуваат на првиот од нашите бродови“, соопшти Глобал сумуд на Икс.
„Бараме безбеден премин за нашата законска, ненасилна хуманитарна мисија.“
Израел во соопштението исто така ги повика „сите учесници во оваа провокација веднаш да го сменат правецот и да се вратат“.
BREAKING: A boat from the Global Sumud Flotilla has lost contact after reportedly being attacked in the Mediterranean. pic.twitter.com/00kOrHjmHr
— Global Sumud Flotilla Commentary (@GlobalSumudF) May 18, 2026
Претходната флотила исплови од Шпанија на 12 април.
Израелските сили, меѓутоа, ги пресретнаа бродовите од таа група, префрлија повеќе од 100 пропалестински активисти на Крит и задржаа уште две лица во Израел.
