„Израелските сили се распоредени во Зоната на безбедност, околу 10 километри на територијата на Либан, поради оперативни потреби. Израелските војници ќе продолжат да ги елиминираат заканите и да ја зајакнуваат одбраната на жителите на северен Израел“, објави израелската армија на социјалната мрежа Икс.
На постот е прикачена и ажурирана мапа на „Зоната на безбедност“ во јужен Либан на постот.
Таа зона, во која се наоѓаат израелските трупи, се протега по целата граница меѓу Либан и Израел и се протега 10 километри длабоко во либанската територија.
Мапата покажува дека израелските трупи напредувале подлабоко откако во април беше објавена првата линија на одбрана, достигнувајќи до периферијата на градот Набатија.
Непосредните преговори меѓу Израел и Либан сè уште се во тек, а потенцијалното повлекување на израелската армија од јужен Либан се уште се разгледува.
Се очекува преговарачките тимови на двете земји повторно да се состанат следната недела.
Иран, во преговорите со Соединетите Американски Држави, со кои неодамна потпиша меморандум за разбирање за рамката за продолжување на преговорите, инсистира прекинот на непријателствата да ја вклучува израелската агресија во Либан.
Израелските власти објавија дека не учествуваат во американско-иранските преговори и дека Израел има право да се брани од прекугранични напади од страна на Хезболах.
