Зборувајќи на конгресот на партнерската Социјалистичка партија, тој порача: „Нашата борба за слобода ќе заврши кога ќе бидеме слободни и кога ќе се обединиме со Србија на начинот на кој ние мислиме дека треба“.
За прв пат по долго време Додик ги повтори своите претходни ставови за крајната цел на интеграцијата на српскиот ентитет со Србија. Дополнително, тој го оспори институционалниот поредок на Босна и Херцеговина, велејќи дека за него Сараево не е главен град, туку Бања Лука и Белград.
Од 2017 година Додик беше под санкции на Соединетите Американски Држави за поткопување на Дејтонскиот договор и застапување на отцепување на Република Српска. Санкциите беа дополнително продолжени во 2022 година, за целосно да бидат укинати во октомври минатата година.
Судот на Босна и Херцеговина минатата година го осуди Додик на едногодишна затворска казна поради непочитување на одлуките на висок претставник на Западот, по што неговиот мандат како претседател на Република Српска му беше одземен.
