Германците тргнаа офанзивно, слоновите се бранеа, но беа опасни во контра напади.
Резултатот беше отворен во 30. минута кога Френк Кеси начека една одбиена топка и ја смести во мрежата на Нојер за водство од 1-0. Тоа беше резултатот по првото полувреме.
Клучниот потег Нагелсман го направи во 60. минута кога во игра го внесе Денис Ундав.
Во 68. минута напаѓачот изедначи на 1-1 и ја врати Германија во живот, го најави пресвртот.
Вториот погодок дојде кога сите очекуваа дека мечот ќе заврши нерешено. Во 94. минута Ундав повторно погоди, овојпат за победа од 2-1.
