Србија предводена од поранешениот тренер на Вардар, Раул Гонзалез повторно ќе игра на Светско првенство. Се пласираа на Мундијалот и тоа преку Унгарија која важеше за фаворит во овој двомеч.
Србите во Унгарија отпатуваа со предност од два разлика остварена во првиот меч и успеаа да ја сочуваат, загубија само со еден.
Двете екипи водеа голема војна од самиот старт, а Унгарија по првите 15 минути стигнаа до 10-8. Тренерот Раул Гонзалес реагираше и успеа да ги смири своите избраници и набрзо Србија направи пресврт (14-13). До крајот на полувремето се водеше жестока борба и на паузата заминаа со 17-17.
Унгарија во финишот направи предност од 29-26, но Србија намали со два гола по ред на 28-29. Вистинска драма се случуваше во последните минути, а нашиот северен сосед на крајот загуби само со еден погодок негатива (30-31).
Ова е враќање на Србија на Светското првенство, минатото го пропуштија.
