Во изјава за телевизија „Телма“, Кире Лазаров го прокоментира доаѓањето на Червар на чело на Еурофарм Пелистер.
„Доаѓањето на Червар е позитивно, како и да гледаме тоа е добро за македонскиот ракомет. Таму ќе се работи квалитетно, одличен избор. Лино Червар е мој учител, често сме во комуникација, му честитав и му кажав дека сега ќе бидеме спортски противници. Во секој случај неговото доаѓање е многу позитивно. Мислам дека ако може да кажеме дека веќе има квалитет македонската лига, со неговото доаѓање тој квалитет дополнително ќе се подигне. Тој е одличен, а ние покрај него ќе мора да бидеме уште подобри“, рече Лазаров за „Телма“.
„Што се однесува до меѓусебниот дуел, мене ќе ми биде потешко против него, тој е поискусен и подобар, има освојувано многу. Ние учевме од него, па ќе се бориме спортски и се надеваме дека еден ден ученикот ќе биде подобар од учителот.
