Поради повеќе позитивни случаи на ковид-19, Тотнем не можеше да го игра натпреварот против Рен кој беше закажан за 9. декември.
Но, УЕФА и двата клуба не успеаа да најдат нов термин кој ќе им одговара на сите.
Тотнем во тој момент беше третполасиран и само победа против Рен го носеше на второто место.
УЕФА денеска објави дека откажаниот натпревар меѓу Тотнем и Рен се регистрира со службена победа од 3-0 за францускиот тим.
Тоа значи дека тимот предводен од Антонио Конте и официјално заврши со Европа за оваа сезона.
