На денешен ден пред 80 години, на 15 јули 1946 година, е роден Хасанал Болкија, владејачкиот султан на Брунеи и еден од ретките преостанати апсолутни монарси во светот. Тој исто така е еден од најбогатите луѓе на планетата.
Брунеи, земја на северозападниот брег на островот Борнео, е заснована на нафта и е уставна монархија од 1967 година, предводена од Хасанал Болкија Муизадин Вадаулах.
Султанот на Брунеи е апсолутен владетел кој ги обединува позициите на шеф на државата, претседател на владата и министер за внатрешни работи.
Иако донел еден од најригорозните закони во светот, според кој кражбата се казнува со отсекување на раката, а консумирањето алкохол со камшикување, тој, според упатените, е значително помалку строг кон себе.
Според некои проценки, тој „тежи“ неверојатни педесет милијарди долари, а во однос на развратот, би го посрамотил дури и легендарниот Калигула.
Неговиот „скромен“ дом, палатата Истана Нурул Иман, вредна 2 милијарди долари, е најголемата кралска резиденција во светот. Има речиси две илјади соби, 257 бањи украсени со злато и дијаманти, пет базени и сала за банкети што може да прими приближно пет илјади гости.
Дури и понијата на султанот се разгалени неизмерно – тие живеат во штала со вграден клима-уред!
Исто така, постојат луксузни имоти расфрлани низ целиот свет, од кои ќе ги споменеме само султановото лондонско гнездо, резиденцијата вредна илјадници долари во елитниот Риџентс Парк, прекрасната вила во Лос Анџелес, замокот во Мајами…
Љубител е на „бесни“ автомобили, тој има повеќе од илјада автомобили во својот возен парк, претежно Ламборџини, Бентли, Ферари, Астон Мартин, Јагуар и други познати марки, но сепак претпочита да седне зад воланот на Ролс-Ројс Силвер Спур, позлатена лимузина која може да воодушеви случаен минувач со својот блескав кич.
Неговиот Боинг 747-8 ББЈ, познат како „Летечкиот дворец“, вреди повеќе од 600 милиони долари. Неговата внатрешност е украсена со злато и кристал, а султанот честопати самиот го управува.
