Гасот откриен во атмосферата е хелиум, кој не би можел да поддржува живот, но може да бидат присутни и други гасови.
Водечкиот автор Колин Черубим од Универзитетот Харвард го опиша откритието како „голема работа“.
„Ова е првпат некој да открие атмосфера на карпеста планета во зоната погодна за живот на друга ѕвезда“, изјави Черубим.
Планетата, наречена ЛХС 1140б, е оддалечена 48 светлосни години од Земјата и кружи околу црвена ѕвезда многу помала и постудена од Сонцето.
Повеќе од 6.000 светови се откриени во орбитата околу далечни ѕвезди. Но, новото откритие е значајно затоа што нè приближува чекор поблиску до една од најголемите награди во науката: откривање живот на друг свет.
Истражувачите објаснија во списанието „Саенс“ дека за една планета да може да поддржува живот, таа мора да има вода и да биде на соодветно растојание од својата ѕвезда, пренесува Би-би-си.
