Милитантната група објави дека воведува „морска блокада против криминалниот саудиски непријател“, повикувајќи се на принципот „око за око“, кој според нивните зборови стапува на сила веднаш по објавувањето на соопштението.
Хутите тврдат дека блокадата е одговор на она што го нарекуваат продолжение на „неправедната и репресивна опсада на нашиот сакан народ“ што Саудиска Арабија ја спроведува речиси 12 години. Тие го обвинуваат Ријад за ограбување на ресурсите на Јемен и наметнување сеопфатна блокада на нивните пристаништа и аеродроми по копно, море и воздух.
Минатата недела, Хутите истрелаа ракети кон Саудиска Арабија откако ги обвинија саудиските сили за бомбардирање на аеродром под нивна контрола, што, според нив, го прекина четиригодишното примирје во конфликтот меѓу кралството и бунтовничката група поддржана од Иран.
Ова беа првите напади врз Саудиска Арабија за кои Хутите ја презедоа одговорноста откако неформалното примирје стапи на сила во март 2022 година, постигнато по нивните претходни напади врз саудиската енергетска инфраструктура.
