Во изјава за медиумите Таравари рече дека останува на позицијата и во Гостивар нема да има гласање на 30 октомври.
„Поминуваме од прв круг. ДУИ се обидува да прави проблеми со записниците, но имаме 53 отсто од гласовите од избројани 98 отсто од гласачите кои денеска одлучувале кој ќе биде градоначалник на Гостивар. Инаку победуваме со 3.000 гласови разлика, иако целиот државен апарат беше во Гостивар со автомобили, закани, купување гласови, но народот е најсилен и тој одлучува. Им честитам на граѓаните кои излегоа и ги казнија каматашите, мафијашите. Овој пат народот во Гостивар ги победи бандите во гостиварско. Победуваме во прв круг“, изјави Таравари.
