Ова е ситуација на избирачко место во скопски Аеродром.
Токму кога ќе дојдете на ред за гласање, од просторијата ви велат „останете надвор“.
Избирачки одбор (ИО): Се „укочи“ апаратот.
Граѓани: И сега?
ИО: Мора да се ресетира. Не влегувајте.
ИО: Кој го измисли ова (апаратот за земање отпечаток), дали него да го гледам, дали пораките на мобилен или оние (гласачите) пред врата?
ИО: Еве ѕвонам, се вклучува мејли (веројатно кај техничките лица задолжени за апаратите).
ИО: Ќутете, еве ѕвони.
ИО: Се укочи апаратов. Се појави извичник, црвен.
ИО: Да го исклучам принтерот? Добро.
ИО: Пак е црвено.
ИО: Уште е црвено (по добиени инструкции од другата страна на линијата).
ИО: Сега да ресетирам? Добро.
ИО: Бек, бек, бек. Уште бек? (Back – назад)
ИО: А еве се појави зелено.
ИО: Сега да го уклучам принтерот, така?
И така 10-15 минути. Пред гласачкото место веќе се создава поголема редица. Дел од гласачите исто така нервозни: Што е ова? До кога ќе се чека? Кој го измисли ова…
И, ако немате среќа, апаратот нема ви го препознае прстот. Еден, два, три…пет обиди со показалецот на двете раце. И на крајот завршувате со отпечаток во мастило.
