Националниот парк Маврово активно работи на афирмација и промоција на спортскиот риболов, развој на риболовниот туризам и создавање услови за организирање на значајни меѓународни спортски настани. Од вчера е забранет ловот на крап на Мавровското Езеро. Забраната важи до завршување на Светското првенство.
„Апелираме до сите љубители на спортскиот риболов да ги почитуваат правилата и прописите за риболов и со своето одговорно однесување да дадат свој придонес кон зачувување и збогатување на рибниот фонд во водите на Националниот парк Маврово.
Организацијата на едно вакво светско првенство претставува настан од исклучително значење за Република Македонија и НП Маврово, а успешната реализација зависи од заедничката одговорност, поддршка и соработка на сите љубители на природата и спортскиот риболов“, соопшти НП Маврово.
