На широкиот работен состанок во Солун со учество на претставници на надлежните институции, безбедносните служби и локалните власти, Гулекас нагласил дека континуирано се зголемува туристичкиот и трговскиот сообраќај кон Грција, а „со европската директива за проверка на биометриските податоци на секое лице што влегува или излегува од земјата се создаваат дополнителни доцнења за време на неопходните полициски контроли“, јави допсиничката на МИА од Атина.
Додал дека состанокот имал за цел целосна координација на сите инволвирани, додека пак одлуките за новите мерки, односно дополнителното зајакнување на информатичките системи и можноста за изградба на привремени технички решенија.
Поконкретно, за денеска се закажани посети на специјални тимови на граничните премини Евзони, кон Македонија и Кипи, кон Турција со цел да се разгледа непосредната примена на дополнителни мерки што биле дискутирани на состанокот.
Министерот за заштита на граѓаните на Грција Михалис Хрисохоидис вчера од Халкидики посочи мора да ја имплементираат европската легислатива, бидејќи Европската комисија инсистира на целосна примена и нагласи дека за ЕЕС системот добил поплаки од неговите колеги од Македонија и Србија.
Објасни дека прашањето со биометриската регистрација на границите има два аспекти, едниот е самиот процес, а другиот, застарената грчка инфраструктура.
МИА
