Швајцарскиот претседател ќе биде пречекан со највисоки државни и воени почести на церемонија во кабинетот на претседателот, по што ќе следи тет-а-тет средба на претседателите, а потоа и пленарен состанок на македонската и швајцарската делегација.
Како што информираат од кабинетот на Сиљановска-Давкова, по пленарниот состанок, планирана е и заедничка прес-конференција на претседателката Сиљановска-Давкова и претседателот Пармелан.
Според програмата, предвидено е претседателот Пармелан да положи венец на гробот на Гоце Делчев во црквата „Св. Спас“ во Скопје.
