Европскиот Лајонс натпревар Томас Кути традиционално се оддржува во рамките на Европскиот Лајонс форум со цел да се поддржат младите музички таленти од Европа. Се натпреваруваат кандидати до 25 години и секоја земја предлага еден претставник.
Оваа година младите музички таленти се натпреваруваат по инструментот саксофон. Натпреварот ќе се реализира на Солунскиот државен универзитет и завршниот концерт ќе се реализира во Концертната сала на Солун. Жири комисијата е интернационална и се состои од истакнати професори по саксофон.
Григори Ангелов е од класата на професорот Владимир Трајановски. Тој е добитник на значајни награди за млади музичари во Македонија и Србија и посетувал бројни мастер класови кај познати професори од Германија, Словенија, Хрватска, Грција и Србија.
Неговото натпреварување е поддржано од македонскиот Лајонс дистрикт 132. Национален координатор на музичкиот натпревар е Пламенка Трајковска.
