Во креативен полет, Фолтин денес во МКЦ го промовираше своето ново ЕП под наслов „Симултан Бакнеж“.
Тој се состои од 4 песни:
1. Симултан бакнеж
2.Недопрена
3. Кој може да расипе еден ваков ден
4. Сенки
снимени во Студио АЛШАР – Скопје, во декември 2020.
Како и досега и овој пат не изостана одлично смислениот графички дизајн на омотот, а како автор се потпишува: Ѓорче Ставревски.
Во склоп на презентацијата на новото ЕП беше и промоцијата на видеоспот за песната „Кој може да расипе еден ваков ден“, во режија на Милена Виитман. Директор на фотографија е Мајкл Ривас, а актери се Рио Раш и Ниша Вирмани. Видеозаписот е снимен во Берлин. Издавач на албумот е ОХО Продукција, продуцент е Пеце Талески, а извршен продуцент е Илија Тирицовски. Продуцент на видеозаписот е Пеце Талески, а како извршни продуценти се јавуваат Милена Виитман и Илија Тирицовски.
Оставени во мод на мирување, чекаме кротко до првиот термин закажан за нашата средба на подиум, како што доликува загорени од желба за размазување на сетилата, а дотогаш ги вежбаме песните за потпевнување.
Билјана Пејовска
Фото: Роберт Атанасовски
[video:https://www.youtube.com/watch?app=desktop&v=ORH1f8T_myA autoplay:0]
