Во Тетово, полициски службеници од Одделението за криминалистичка полиција при СВР Тетово го лишиле од слобода Б.А. од Тетово, постапувајќи по претходна пријава од неговата поранешна 40-годишна партнерка од тетовско, дека од април 2026 година, по прекинувањето на нивната врска, континуирано ја следел низ градското подрачје и телефонски ја вознемирувал од различни броеви, а откако одбила да ја продолжи врската, ѝ упатувал и закани кон неа и нејзиното семејство.
Во СВР Скопје, 28-годишна жена од Скопје пријавила дека на подрачјето на Центар нејзината 56-годишна свекрва С.О. го оштетила нивното возило „пежо боксер“ и со употреба на физичка сила ја извадила од возилото и ја турнала на земја, при што се здобила со тешка телесна повреда, констатирана во ЈЗУ „Св. Наум Охридски“ во Скопје.
Во СВР Скопје, полициски службеници извршиле службен разговор со Ѓ.А.К. и А.А.Р., постапувајќи по претходна пријава дека во семејниот дом на подрачјето на Бит Пазар во Скопје физички ја нападнале нивната 16-годишна ќерка и внука. Според пријавеното, таа и претходно била физички и психички малтретирана од нејзината мајка Ѓ.А.К., но досега не било пријавувано.
Во СВР Скопје, 37-годишник од Скопје пријавил дека пред неговиот стан на подрачјето на Бит Пазар неговата тетка А.Н. му упатувала закани и се обидела насилно да влезе во станот, по што истурила боја пред влезната врата. Според пријавеното, таа и претходно доаѓала пред неговиот дом. За настанот е известен јавен обвинител.
Во СВР Скопје, 34-годишна жена од скопско пријавила дека во скопско село била физички нападната од нејзиниот сопруг С.Ш., со кого не живеат подолг временски период.
Во СВР Скопје, 71-годишен маж пријавил дека на подрачјето на Кисела Вода, поради претходно нерасчистени имотно-правни односи, бил физички нападнат од неговиот внук С.О.
Се преземаат мерки за расчистување на случаите и по нивно целосно документирање, против сторителите ќе бидат поднесени соодветни пријави.
