„Се надевам дека САД нема да престанат да нè снабдуваат со критични системи. Ова е фундаментално за нас“, кажа Зеленски на заедничката прес-конференција со холандскиот премиер Роб Јетен вчера во холандскиот град Миделбург.
Зеленски кажа дека купувањето оружје во рамките на оваа програма се финансира од европски извори, особено од Холандија, а не од САД.
Програмата ПУРЛ е под надзор на генералниот секретар на НАТО Марк Руте, додаде Зеленски, наведувајќи ги тешкотиите во обезбедувањето финансирање за тој механизам.
„Се надевам дека програмата нема да биде прекината. Таа е важна и за Украина и за САД. Станува збор и за одржување на врските со Европа и покажување единство“, кажа Зеленски.
Украинскиот претседател призна дека растечките тензии на Блискиот Исток би можеле да го загрозат продолжувањето на програмата.
Неговата изјава доаѓа откако Венс изјави дека е „горд“ на драстичното намалување на испораките на американско оружје за Украина, објавија светските медиуми.
