Погодениот објект во Чебоксари, главниот град на руската република Чувашија, е официјално позната како ВНИИР-Прогрес. Според Зеленски, таму се произведуваат системи за релејна заштита, опрема за автоматизација и навигациски компоненти кои ги користат руската морнарица, авијацијата, ракетната индустрија и оклопните возила.
Според порталот Дифенс експрес, фабриката била зајакната со метални заштитни конструкции против напади со беспилотни летала, но овие мерки очигледно не го спречиле нападот. Објектот се смета за воена цел со висока вредност поради производството на електронски компоненти за руските оружени системи, вклучително и опрема за сателитска навигација. Обемот на штетата сè уште не е независно потврден.
Our long-range sanctions continue to provide an entirely just response to Russian strikes.
Last night, combat launches of F-5 Flamingo cruise missiles were carried out as part of the Armed Forces’ Deep Strike operation against several enemy targets, including military-industrial… pic.twitter.com/ndxnuIenyO
— Volodymyr Zelenskyy / Володимир Зеленський (@ZelenskyyUa) May 5, 2026
Украинскиот претседател ги опиша нападите како одговор на тековните руски напади. „Ова се системи кои Русија ги користи во својата војна против Украина“, кажа Зеленски. Тој додаде дека капацитетите за долг дострел на Украина ќе продолжат да се користат против воени цели и во исто време ја повика Русија да ја оконча војната и да се вклучи во „вистинска дипломатија“.
Дури и пред постот на Зеленски, се шпекулираше дека во нападот биле користени ракети ФП-5 „фламинго“. Ракетата, која ја развила компанијата Фајр поинт, првпат јавно ја претстави Украина во 2025 година.
Chuvash Republic under missile strike, likely by Flamingo missiles 🦩 pic.twitter.com/b0ue727lRY
— MAKS 25 🇺🇦👀 (@Maks_NAFO_FELLA) May 4, 2026
Дизајнирана е за таргетирање цели со висока вредност, како што се воено-индустриските објекти и енергетската инфраструктура. Нејзиниот наведен дострел е до 3.000 километри, а носи боева глава со тежина од 1.100 до 1.150 килограми, со брзина до 900 км/ч.
Пред овој напад, една од последните регистрирани употреби на ракетата „фламинго“ била на 28 март, кога била гаѓана руска фабрика за експлозиви во регионот Самара.
