Домашниот тим подобро го отвори натпреварот и поведе со 6-3, но следеше пад во играта кој Охрид го искористи со серија од 3-8 за комплетен пресврт и водство од 9-11. До паузата гостите доминираа, а со расположениот Јасухира стигнаа и до највисоки 12-17.
Во вториот дел клучен момент беше раниот црвен картон за Лиапис, по што Алкалоид се врати на 17-19. Сепак, Пилиповиќ со неколку важни интервенции не дозволи комплетен камбек, па Охрид повторно се одлепи на 19-23. Во финишот Алкалоид се доближи на 21-23 и имаше шанса дополнително да ја намали разликата, но пропуштените напади и сигурната игра на гостите во клучните моменти ја решија средбата.
Со оваа победа, Охрид направи важен чекор во борбата за второто место со Еурофарм Пелистер. Со оваа победа „гладијаторите“ имаат 48 бода, два повеќе од битолчани, а Алкалоид е веќе сигурен на четвртата позиција.
