Нејзиниот потег предизвика верижна реакција на голем број жени низ Балканот обединети под слоганите „Не си сама“ и „Не сум барала“, своевиден пандан на западното движење #MeToo, кое разоткри многубројни сексуални злосторства во забавната индустрија.
Меѓутоа, на социјалните мрежи деновиве почна да се шири хаштагот #NisamPrijavila.
Станува збор за сведоштва на жени од Балканот во кои ја објаснуваат ситуацијата поради која не пријавиле злоставување.
Нивните приказни опфаќаат разни типови насилство – од физичко до сексуално.
„Гледам многу #nisamprijavila бидејќи… Јас пријавив. Да, дојдоа по него. Да, се согласија да го одведат додека да ги спакувам децата. Да, ми се смееја заедно со него додека заминуваа. Да, не знам што ќе беше да немав каде да отидам. Ова не е држава. Но ќе биде“, пишува во еден пост.
Vidim puno #nisamprijavila jer…
Ja jesam prijavila.
Jeste, došli su po njega.
Jeste, pristali da ga odvedu dok spakujem decu i sebe.
Jeste, smejali su mi se zajedno sa njim dok su odlazili.
Jeste, ne znam šta bi bilo da nisam imala gde da odem.
Ovo nije država. Ali biće.— Irena Živković (@IrenaBor1) December 25, 2021
„#NisamPrijavila бидејќи тој беше инспектор во полиција, бидејќи за многумина јас бев виновна што сум останала со него сама во станот, бидејќи на мојата мајка ќе ѝ пукнеше срцето, бидејќи татко ми ќе го убиеше и ќе умреше од внатре, бидејќи оние на кои нешто и им кажав прво ме прашаа што сум имала на себе тој ден“, пишува во друг твит.
#NisamPrijavila jer sam imala 8 godina a on stari i postovan komsija koji mi je nakon toga rekao da sam ja kriva jer sam obukla sorc
— glukozni babo (@eyzeyo) December 26, 2021
„#NisamPrijavila затоа што бев мала, само во основно училиште и се грижев дека ќе ми се смеат и ќе ми кажат дека измислувам“, напиша една од жртвите.
#NisamPrijavila zato što sam bila mala, tek u osnovnoj školi i brinula sam se da će mi se smejati i reći da umišljam
— Nina Stojaković (@niinochka) December 26, 2021
Истражување на Организацијата за европска безбедност и соработка (ОБСЕ) од 2019 покажало дека 22 отсто од анкетираните Србинки одговориле дека од 15-тата година доживеале физичко или сексуално насилство од партнер или некој друг.
Повеќе од 41 отсто од нив биле изложени на сексуално злоставување, што е за 10 процентни бода повеќе од просекот на Европската Унија и покажува дека пријавувањето на злоставувањата на Балканот е табу, „исто како и недостигот од свест што е сексуално злоставување“, се наведува во извештајот на ОБСЕ.
