„Го свикав советот Русија-НАТО на 12 јануари за да разговараме за прашања поврзани со европската безбедност, особено за ситуацијата во и околу Украина, како и за прашања поврзани со воената активност, меѓусебната транспарентност и намалување на ризикот“, напиша Столтенберг на Твитер.
Како што прецизираше, ваквата агенда е предвидена „за конструктивен дијалог во интерес на сите страни“.
Претходно, седиштето на Алијансата објави дека министрите за надворешни работи на НАТО на 7 јануари ќе одржат вонредна видеоконференција, на која ќе разговараат за барањата на Русија за европската безбедност и „концентрацијата на руски војници во близина на границите на Украина“.
