Според Ројтерс, гувернерот на Ростовскиот регион Јуриј Сљусар изјавил на Телеграм дека пожарите на танкерот и во пристаништето Таганрог, град со околу 240.000 жители, се изгаснати.
Две лица се повредени и не е пријавено истекување на нафта, додаде официјалното лице.
Градоначалничката на Таганрог, Светлана Камбулова, изјави дека во градот сè уште е на сила вонредната состојба, воведена на 27 мај.
Во соседниот Краснодарски крај, властите во Армавир, град со 185.000 жители, соопштија дека пожарот во складиште за нафта во индустриската зона на градот е ставен под контрола и дека нема повредени.
Гувернерот на Ростов, Сљусар, изјави дека речиси 50 дронови се соборени во регионот, а напади се пријавени низ целата област, која граничи со украинскиот Донбас, жариште во борбите меѓу Русија и Украина.
Надвор од Таганрог, додаде тој, е пријавена само мала штета.
