Тој посочи дека има сѐ повеќе докази дека омикрон го напаѓа главно горниот респираторен тракт и дека инфекцијата не е придружена со тешка пневмонија, што е, како што рече, „добра вест“, пренесува Ројтерс.
На прашањето дали е потребна посебна вакцина специфична за сојот омикрон, Абди Махамуд рече дека сè уште нема точен одговор на тоа прашање.
Абди Махамуд предупреди дека високата преносливост на омикрон значи дека сојот за неколку недели ќе стане доминантен во многу делови од светот и дека новата варијанта на коронавирусот е закана за земјите каде што голем дел од населението е невакцинирано.
Тој, исто така, нагласи дека секоја одлука бара глобална координација и дека на комерцијалниот сектор не треба да му се дозволува самостојно да одлучува, објави Ројтерс.
