Тој потврди дека неговата влада планира секој месец да испраќа чај во вредност од пет милиони долари во Иран за да го отплати вкупниот долг за иранската нафта, кој изнесува 251 милион долари, пренесе Би-би-си.
Шри Ланка минува низ сериозна должничка и финансиска криза влошена со губењето на приходите од туризмот за време на пандемијата на коронавирусот.
Член на Државниот комитет за чај рече дека ова е првпат чајот да се користи за намирување надворешен долг, а министерката Патирана посочи дека со таков начини на исплата не се прекршуваат санкциите на ОН или САД, бидејќи чајот се третира како храна, може да биде дел од хуманитарна помош и ниту една иранска банка што се најде на црната листа на САД нема да биде вклучена во трансакцијата.
„Се надеваме дека со испраќање чај во вредност од пет милиони долари секој месец, ќе го отплатиме долгот на Иран за купување нафта, кој не е вратен четири години“, изјави Патирана во интервју за Ројтерс.
