„За да ги идентификуваат воздухопловните мети и да спречат нарушување на границите на Руската Федерација полетаа три ловци Су-27“, соопшти руското министерство за одбрана.
Според Москва, авионите пресретнале и вратиле назад два француски ловци мираж 2000 и рафал, и еден француски авион КЦ-135, како и два американски разузнавачки авиони ЦЛ-600 Артемис и РЦ-135.
Петте летала се свртеле назад, по што руските авиони се вратиле во својата база, наведе руското министерство.
[video:https://youtu.be/cZeFTS_U4QE autoplay:0]Вчера Москва јави дека пресретнала и одвратила три француски летала над Црното Море.
Односите меѓу Русија и западните земји во последните недели се прилично напнати, поради обвинувањата на Западот дека Москва трупа војници на границата со Украина и подготвува воена операција.
Москва негира дека има какви било воинствени намери и ги обвинува земјите од НАТО дека провоцираат со тоа што, на пример, спроведуваат воени вежби во близина на нејзините граници.
