Рускиот претседател Владимир Путин, во видео обраќање до учесниците на форумот „Отворен дијалог“, изјави дека претходните пристапи, како и воспоставените норми и правила на деловниот живот и меѓународните односи, постепено губат сила, меѓу другото и поради постапките на западните земји кои ги губат своите лидерски позиции, пренесува Спутник.
Според него, сите елементи на глобалниот раст, од економијата и финансиите до технологијата и демографијата, неповратно се менуваат и во моментов се обликува мултиполарна архитектура на глобалниот развој, пренесува РИА Новости.
Тој посочи дека ниедна земја не може да се развива сама, на сметка на другите земји или на нивна штета.
„Моделот на глобален развој ќе биде одржлив и фер само ако се заснова на принципите на еднаквост и меѓусебно почитување и ги зема предвид интересите на сите земји“, додаде Путин.
Националниот центар „Русија“ е домаќин на форумот за отворен дијалог „Иднината на светот: Нова платформа за глобален раст“ од 27 до 29 април.
Целта на овој форум е да се обликува визија за идниот глобален развој преку соработка на експерти, а оваа година учествуваа претставници од повеќе од 120 земји.
