Законот, кој неочекувано брзо помина низ парламентот овој месец, ќе ги заостри правилата за странска сопственост на медиумите, што особено ќе влијае на продолжувањето на работата на информативниот канал ТВН24, кој е во сопственост на американската медиумска компанија Дискавери Инк.
„Верувам дека, општо земено, ограничувањето на поседувањето акции во медиумските компании, кога станува збор за странски капитал, е разумно (…) Го делам мислењето дека тоа треба да се воведе во Полска, но во иднина“, рече Дуда.
Предлог-законот и неговите амандмани, објасни претседателот, се однесуваат на субјекти кои се веќе присутни на пазарот, а тука е и прашањето за медиумски плурализам, слободата на говорот.
„Кога ја донесов одлуката, се водев од тие прашања“, изјави Дуда.
Владејачката конзервативна партија Право и правда (ПиС) тврди дека законот има за цел да ги спречи земјите како Русија и Кина да влијаат врз полските медиуми.
ПиС предупредува и дека странските медиумски куќи имаат преголема моќ во земјата и ја искривуваат јавната дебата.
Матичната компанија ТВН24 е ТВН во сопственост на Дискавери, но е регистрирана во Холандија за да се заобиколи одредбата според која инвеститор надвор од Европа не смее да има повеќе од 49 отсто сопственост во полските медиумски куќи.
