Фронмаер, парламентарниот портпарол на АфД за надворешна политика, учествува на големиот економски форум на Путин во Санкт Петербург, и покрај предупредувањето од германското Министерство за надворешни работи, кое објави дека „експлицитно ѝ советувало на АфД да не оди на овие патувања“.
Фронмаер објави на Икс дека се сретнал со Милер и Кирил Дмитриев, специјалниот претставник на Путин за инвестиции и економска соработка. Дмитриев, Милер и Газпром се под западни санкции воведени поради војната на Русија во Украина.
Фронмаер, кој долго ја повикува Германија да ја обнови соработката со Русија за продолжување на снабдувањето со енергија, рече дека со Милер разговарал за гасоводот и целосното обновување на снабдувањето со руски гас за Германија.
„Германија е заглавена во сериозна економска негативна спирала, а една од клучните причини за ова се високите трошоци за енергија“, рече Фронмаер. „Затоа сите опции мора да се вратат на маса, вклучувајќи го повторното пуштање во работа на Северен тек и обновувањето на трговските односи со Русија.“
Газпром ја потврди средбата со Фронмаер. „Се радувам на градењето на голема ИДНИНА заедно со АфД, најпопуларната германска партија“, напиша Дмитриев на Икс.
Според анкетите, АфД, во моментов најголемата опозициска партија во Бундестагот, гради предност во однос на конзервативците на канцеларот Фридрих Мерц, кои владеат во коалиција со социјалдемократите од левиот центар. Пред двата важни покраински избори во источна Германија во септември, АфД се надева дека ќе ја освои власта во Саксонија-Анхалт за прв пат.
Анкетите покажуваат дека би можела да освои најмногу гласови и во Мекленбург-Западна Померанија. Партијата, која во последните години значително се зацврсти и во западна Германија, ја критикува силната поддршка на Мерц за Украина и вели дека ќе се обиде да ги обнови односите со Москва.
„Во време кога многумина се чувствуваат поудобно во конфронтација отколку во разговор, вистинскиот дијалог е поважен од кога било“, напиша Фромаер на Икс по средбата со Дмитриев.
